أضف سؤال أو موضوع جديد          

مقارنة بين تكاليف سيارة يابانية وكورية وأمريكية ضد ألمانية

up 2 down 5
طارق سلطان 24595 8
قبل سنه و 7 شهر



بسوي مقارنة بين سيارتين يابانية أو كورية أو أمريكية ضد ألمانية كم تكلفة الصيانة الدورية والأستهلاكية في أفالون أو كامري أو أكورد أو سوناتا ياليت تفيدوني







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المقارنة هنا راح تكون ظالمة ,,,,, فبشكل عام التكلفة الألماني رقم واحد في الأسعار ثم الأمريكي ثم الياباني ثم الكوري . . . . هذا بشكل عام . . . .

بعدين يجي الموضوع الثاني وهي فئة السيارة وهنا الكثير يغفلون عنها ولا يفهمونها صح ,,,

ففئات السيارات ( الفارهة - الفخمة - SUV - السبورت - الكوبيه - النقل بيك أب - السيدان كاملة الحجم - السيدان متوسطة الحجم - السيدان صغيرة الحجم ). . . .

وكل فئة لها مميزاتها اللي تغطي على مثلاً غلاء قطع غيارها وصيانتها . . . . فالقاعدة الأساسية ( فلوسك ) هي اللي تقرر في الأخير . . . .

يعني لا تقارن صيانة وقطع سيارة يابانية فخمة مثل لكزس LS بسيدان كاملة الحجم أمريكية زي الإمبالا . .أو أمريكية فخمة زي كاديلاك CT6 بسيدان كاملة الحجم يابانية زي الأفالون ..

فالأفضل هو تجيب سيارات كل فئة لحال وبعدين تصنف كل سيارة حسب ( درجتها ومكينتها ) عشان أقدر أقارن الأسعار ( صيانة وقطع ) . . . . .

* يعني جب النيسان سنترا وقارنها بالكورولا وسوناتا النترا وهوندا السيفيك . . . .

* جب الأكورد وقارنها بكامري وماليبو والمازدا 6 وألتيما وأوبتيما وسوناتا وكلها درجة سياحية ومكينة 4 سلندر وهكذا وأنت طالع . . . . .

* جب الأفالون وقارنها بالمكسيما والتورس والإيمبالا والكادينزا واللكزس ES والكرايسلر والدودج تشارجر درجة سياحية ومكينة 6 سلندر وهكذا . . . .

* جب الاندكروزر وقارنه بالباترول والتاهو واليوكن والسوبربان والإكسبيدشن . . . .

وفيه خط ثاني برضوه في الـ SUV ولكنه فخم مثل اللكزس LX والإسكاليد والإنفنيتي Q80 ولينكولن نافيجيتور والرنج روفر . . . .

* جب لكزس LS وقارنها بالمرسيدس S وبالآودي A8 والبي إم الفئة 7 . . . . وفيه خط أقل شوي فخامة وهي الكاديلاك CT6 وكيا 900 وهيونداي الجينيسس . . . .

لذلك وأنا أخوك صعب جداً جداً المقارنة هكذا دون معرفة فئة السيارة و وش اللي يقابلها في الشركات الثانية . . . . .

تحياتي . . . . .


up 1 down 2
خارج الوسط الرياضي 103
قبل سنه و 7 شهر



شوف المحلات اللي تجيب قطع غيار بديل للوكيل بسعر اقل
الياباني :
التويوتا رقم واحد النهدي و القرعاوي و غيرهم كثير
نيسان تحصل أيضا" محلات كثيرة
هوندا بعدهم بالانتشار
المازدا مستوبيشي قليل لكن تحصل حسب المنطقة
الايسوزو و السوزوكي و السوبارو شبه معدوم بالوكالة قثط
الكوري هونداي و يركب على كيا القطع الداخليه
كثير المحلات تحصل القطع
و بالوكاله رخيص فلتر زيت المكينه ب١٥ ريال مثال
ما ادري عن الكوري الفخم الجينسس قسم لوحده
الامريكي ما اعرف عنه كثير لكن GM و فورد لهم محلات بديل للوكالات
دودج و كرايسلر و جيب قليل جدا" وكالة واحدة فقط و سمعتها سيئة
الامريكي بفئة الصالون الكبير الافضل
لكن بفئة السيدان الانتشار اقل و القطع ما تحصل
الاوروبي و الالماني عالم ثاني و الصيني جديد بالسوق

اما الصيانة الدورية كلام فاضي الى ممشى ١٠٠ الف كيلو
ممكن الى ٢٠٠ السيارة ما تطلب شي ممكن تطلع عيوب لكن في استدعاء للاخطاء الخطيرة
اللي بيمشي على صيانة الوكالة غلطان و بيخسر مبالغ هو اولى فيها

سيارتي تويوتا كملت ١٥٠ الف غيرت اشياء بسيطة ما كلفتني مبالغ كبيرة
من عندي كاهتمام خفيف و كل القطع من محلات الغيار ارخص
قماشات و طقم كفرات بعد الاستهلاك
سير مكينة فلتر مكيف فلتر مكينة
بواجي اخر شي غيرتها
زيت القير كل ٧٠ الف كيلو
زيت مكينة لزوجة متوسطة كل ٥ الاف كيلو
و اكثر السيارات نفس الطريقة
الضمان محدود بالكيلو
ان كنت راعي خطوط بتطلع منه السيارة بدري
و اذا ما تمشي كثير منت مستهلك السيارة
و بتطلع من الضمان بالوقت و انت ما خلصت اقساطها
و ممكن يطلعونك منه على اقل مشكلة اذا مالهم نفس او وقت
و انت ماشي على كيفهم على طريقتهم و تدفع كل زيارة صيانة


up 2 down 2
مثقف سيارات 1143
قبل سنه و 7 شهر