فولكس واجن باسات

اسعار قطع غيارها غاليه جدا - أنصحك تمر الوكاله وتسأل بنفسك

ابتعد عنها البدائل غيرها كثيرة و لا هو بشافع لها صناعتها اذا وكيلها سئ

قبل تشال عن السباره اسال عن خدمات مابعد البيع
ااوكيل وقطه الغيار والصيانه وهذي كلها فشلت فيها فولكس فاجن

فكرت فيها لكن للأسف نادرة ومنتشرة في الغربية أكثر...
وكيل مايمدحونه... ونفس الكلام ينطبق على سوبارو ليجاسي.
سيارات مظلومة بسبب الوكيل !!!!!

انا حصلت كم وحده وانا من سكان الغربيه بس خايف من القطع والخرابات

للتصحيح السيارة صناعة امريكي وليس الماني .

الموتر من تجربتي له ممتع في الخط وفرامله قوية جداً ومستوى السلامة فيه عالي والعزل ممتاز وحتى استهلاك البنزين ممتاز يعيبه قلة الورش اللي تستقبله وبعض القطع تحتاج طلبية وسلامتك

اذا استخدامك قليل خذ السيارة واذا مشاويرك كثيرة مانصحك

الاخوان ماقصرو
مر الوكيل وسأل عن قطع الغيار الاستهلاكية والصيانة
هذي السيارات صيانتها مكلفة
شخصياً اقترح عليك تشوف بديل اسيوي (باياني او كوري )

المشكلة في الكوري والاسيوي العزل والله ازمه بالنسبه لي
طيب وش رايكم في الفيوجن؟؟

عليكم السلام و رحمة الله و بركاته
انا معي 2016 أشوف أكبر مشكله في الوكيل ضعيف قتل السياره بشكل مو طبيعي
ما راح امجد السيارة لكن لو السيارة طاحت في وكيل كويس بتطغى على منافسينها بالراحه .
سماكو سيء جداً و قريب بشتكيهم في وزارة التجارة بسبب اهمالهم بالعطل يعني ما عندهم مشكله ترجع 3 مرات لجل نفس المشكله و ما يحلونها .
صراحه معاني منهم بشكل مو طبيعي .
و النية بتكون استبدل صيانتهم بورش معتمدة و اشتري راسي بلا موعد و خرابيط و تكاليف مرعبة

كم الميزانية الي انت حاطها

من 40الى45 بالكثير