أضف سؤال أو موضوع جديد          

بعد اختبار سيارة فولكس واجن باسات .

up 12 down 1
the-core 45
قبل شهر و 4 أسبوع



السلام عليكم و رحمة الله و بركاته
الموضوع بيختصر الكثير بإذن الله عليكم ,
اللهم لك الحمد امتلكت سيارة فولكس واجن باسات من قرابة سنتين و حبيت أعطيكم الانطباع عن السيارة و النقاط الايجابية و السلبية فيها
بسم الله نبدأ .

الايجابيات :-
1- مثل ما هو معروف عن اسم الشركة انها سيارة الشعب , و بزيد عليها شي السيارة حقت كرف و تقدر تعتمد عليها .
2- السيارة اشتغلت فيها في كريم و كديتها بشكل مو طبيعي حاليا السيارة قربت من 100 الف كم , خلال سنتين .
3- السيارة من الداخل أقدر أقول إنها الأوسع في فئتها من مساحة ركوب و الشنطة كمان و فئتها اللي اقصدها ( كامري - سوناتا - مازدا - اكورد و البقية ) .
4- الشكل الخارجي و التصميم الداخلي أشوفه مميز ( كوجهة نظري ) .
5- مكينتها جايه 5 سلندر و اقدر أقول انها موفره كممشى طبيعي تقريبا فل التانكي يمشيك حول 900 كم , كخطوط و ممشى مدينه حدود 500 كم .
6- السيارة ثابته و راسية في الطريق و على الملفات , ما شاء الله تحس أنها دفع خلفي من رساوتها .


العيوب :-
1- عزل الهواء اشوفه مو كويس , ممكن تسمع صوت الهواء لما توصل 100 .
2- صيانة الوكيل ما بقول سيئة لكن مكلفة بشكل اقل صيانة سويتها عندهم تبع 75 الف كلفتني 1800 و اغلى صيانة تبع 60الف تكلف حدود 4500 .
3- هو ماهو عيب لكن بحطه ما تقبل بنزين 91 للأسف .
4- الوكيل ماهو موجود إلا في ثلاث أماكن بس ( الدمام - الرياض - جده ) ,

و انا عني كمجرب للسيارة أشوف أكبر عيب هو الوكيل بسبب أسعار الصيانة اللي عالية بشكل مو طبيعي . لو أفكر أبيع السيارة ابيعها لأجل الوكيل صيانته مكلفه .

اتمنى من الوكيل يخفض تكاليف اليد للصيانة لأنه حرام مثل هالسيارة ما نشوفها بكثره عندنا و يزيد نقاط بيعه بدل ثلاث مناطق .

انا حطيت نقطتين بالعيوب على الوكيل , و المفروض ما أحسبها على السيارة .

و هذا العلم و اختصار للتجربة .
و إن اصبت بكلامي فهو بتوفيق من الله , و ان اخطيت فهو مني و من الشيطان .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكور على التقرير
من ناحية البنزين هل جربت 91 واذا قد جربت وش الاعراض اللي صارت على السيارة


up 1 down 0
المالكي 1254 14
قبل شهر و 4 أسبوع



العفو
اي جربته ، الكمبيوتر تلخبط و صار يعطي اوامر بالتعشيق متاخر .
وديتها الوكاله و نظفوا بخاخات و دوره البنزين . كلفت 120 ريال .
و قال المهندس لي بيع السياره و لا تحط اخضر ابد .


up 0 down 0
the-core 45
قبل شهر و 4 أسبوع



هذي مشكلة اكثر السيارات الاوروبية
ما ينفع لها بنزين ٩١
مرة شفت BMW اربع سلندر تيربو
الظاهر الفئة الخامسة
و صرفية البنزين ممتاز لكن نوع البنزين ٩٥ ما تقبل غيره


up 1 down 1
1405-1985 1406
قبل شهر و 4 أسبوع



جميل جدا الله يطول بعمرك بس كم حجم التانكي اول ما تولع اللمبة بكم تفللها

وكم تاخذ لتر اتكلم عن التعبئة يا بعدي


up 1 down 0
mohammed1368 68
قبل شهر و 4 أسبوع



بس غريبه تذم العزل اقبل الي جربوها يقول عزلها الافضل في فئتها ما ينافسها فالعزل الا الفيوجن

مدري هم يطبلون انا شخصيا ما جربت الماني الا مرسيدس

ممكن بعد فيس لفت تحسن عزلها عموما الله يعطيك خيرها ويكفيك شرها


up 2 down 0
mohammed1368 68
قبل شهر و 4 أسبوع



التانكي كم لتر ؟؟
وبكم تعبيها فل


up 1 down 0
modomar 6
قبل شهر و 4 أسبوع



بخصوص نوع البنزين.. انا اخوي عنده موديل 2013 5 سلندر وحول من 95 الى 91 وماشية معاه زي الحلاوة.. احتمال المحطة اللي عبيت
منها مضروبة. وفعلا استهلاكها ممتاز.. ومن ناحية الصيانة ليش تلزم نفسك بالوكيل.. في ورش خبرة بالالماني واسعارهم رخييصة بالنسبة للوكالة.. والسيارة ما تحتاج قطع
يعني ماشالله زيوت وفلاتر وشغل وامش. الله يباركلك فيها يا رب


up 1 down 1
hejazi0 23
قبل شهر و 4 أسبوع



أكبر عيب في نظري هو عزل الهوا سيئ جدا على سيارة ألمانية يعتبر عليها وقد جربتها سابقا


up 1 down 0
ابو كاظم دوت 15
قبل شهر و 3 أسبوع



الا عيب كبير بنزين ٩٥ بسعره المرتفع


up 1 down 0
mfh2009 203
قبل شهر و 3 أسبوع



مره وصلتها إلى اللمبة أو على الاحتياطي عبيتها حدود 60 لتر .
هذا ردي لك أخوي محمد و العذر للتأخر بالرد


up 1 down 0
the-core 45
قبل شهر و 3 أسبوع



العزل مو مره ممتاز و لا مره سيء يعتبر مقبول ..
طبعا أنا معي الفيس لفت الاخير ..

و رحت قدمت شكاوي عليهم لجل العزل و بالنهايه مالقيت حل و قالها لي المهندس تبعهم أن هي عزلها كذا و لجل اتأكد عطوني سيارة بديله جلست معي يوم
و نفس الحكايه .


up 1 down 1
the-core 45
قبل شهر و 3 أسبوع



التانكي بالاحتياطي 70 لتر
و اذا وصلت ع اللمبه تاخذ 55 لتر إلى 60 حسب موقع المؤشر .


up 0 down 0
the-core 45
قبل شهر و 3 أسبوع



دلني على ورشه الله يسعدك وربي امتصوا جيبي الوكالة اخوي حجازي .
انا عبيت و بعدها حرمت اعبي صح اعبي بحدود 110 إلى 117 بس تمشيني اسبوع و يومين بالمدينه


up 0 down 0
the-core 45
قبل شهر و 3 أسبوع



ابو كاظم انا حطيت العزل اول نقطه سلبيه , ممكن يحسنونه مستقبلاً .
بس اللي فهمته من واحد خبير بالمواتر يقول نسبة العزل عند الالمان تكون 95 بالميه و 5 بالميه يخلون الضجيج لجل السيارات ما تحس بممشاها تفك معك بالخط .
بس ما هضمت هالمعلومه , و شايفه عيب مزعج


up 0 down 0
the-core 45
قبل شهر و 3 أسبوع



1405 أنا ااستاجرتها الفئة الخامسه الجديدة ,
تقريبا اللتر يمشي حدود 19 مدري20 كم .
و سيارة حلوه ,
4 سلندر توربو عزمها بطل على حجمها .


up 1 down 1
the-core 45
قبل شهر و 3 أسبوع



كم مديل موتر طيب؟


up 0 down 0
ابو كاظم دوت 15
قبل شهر و 3 أسبوع



الموديل 2016 التحديث الثاني مو الأول


up 0 down 0
the-core 45
قبل شهر و 3 أسبوع



بخصوص البنزين تعبي ٩١ بدون اي مشاكل ولله الحمد. موديل السيارة ٢٠١٣ . ومشكور على موضوعك لأني من عشاق الفولكس واجن


up 0 down 0
abofarah 958
قبل شهر و 3 أسبوع



الله يسعدك بجد حتفرني بخصوص البنزين


up 0 down 0
the-core 45
قبل شهر و أسبوع