أضف سؤال أو موضوع جديد          

استفسار عن قطع غيار طوارق 2012

up 1 down 0
.. عبدالإله .. 418
قبل سنه و 3 شهر



السلام عليكم ورحمة الله

اخواني اصحاب جيب طوارق ..

عندي احد الاخوان وده يشتري طوارق من موديلات 2012 وطالع ومايدري عن قطع غياره كيف وضعها
هل هي متوفرة في السوق غير الوكالة وكيف اسعارها هل هي غالية او رخيصة
طبعا بخصوص القطع الاستهلاكية مثل :
الفحمات
الهوبات
كراسي القير والمكينة
المساعدات
كراسي المساعدات
المقصات
الزيوت
الكفرات

والصيانة بشكل عام هل متوفر ورش متخصصه لها في الرياض او لازم الوكالة

ارجوا اللي معه طوارق ومجربة يرد هنا بحيث نستفيد من الخبرة والمعلومة

شاكر لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام ورحمة الله و بركاته

بتكلم بوجهة نظري بشكل عام عن السيارات اللي تعتبر نادرة شوي ما اقصد الطوارق بشكل خاص

و حتى السيارات اللي تعتبر فارهه ولو كانت قديمه

الطوارق انا من الناس اللي فكرت اشتريه الشكل الخارجي عادي لكن داخليته فخمه و عزم جبار و هدوء و رساوة

و سعره رخيص موديلات 2008 الى 2012 تقريبا

فكرت بالبانوراما 2007 الى 2013

فكرت بالجاغوار لكن جربتها مع احد اقاربي قبل كم شهر انصدمت فيها رغم انها اكبر فئة

سيارة قاسيه و عزم مافيه و سواقتها ما اعجبتني يعني لكزس 430 القديمه افضل منها كعزل و راحه و كل شيء

فكرت بسيارات تعتبر فخمه كثير منها BMW X6

لكن رحت سألت محلات الصيانه تبع هذي السيارات الكل اجمع وهم محلات صيانه

عندك فلوس زايده عن حاجتك بكثير ماهو راتبك 20 الف خلاص بتركب اطنخ سيارة

لا يقصدون تشتغل بتجارة و عندك خير و حسابك البنكي مليان اشتري

غير كذا ابعد عن هالسيارات فجأة اي وقت ينفقع عندك هيدروليك اي مساعد الواحد 3000 بدون شغل اليد

عطل بسيط يوقف فيك و تشيله بسطحه لمركز صيانه متخصص ما احد يصلحه اي كلام

لدرجة حتى تغيير الفحمات فقط شغلها غير عن باقي السيارات لازم تغير حساسات معها و شغل اليد لحاله

3 اضعاف السيارة العاديه غير سعر قطع الغيار

السيارة الوحيده اللي مدحوها مرسيدس E300 موديلات 2010 و طالع يقولون خدومه ولا فيها اعطال نهائيا

و حتى اليوم وهي تعتبر موديل قديم ما حصل فيها اي مشاكل

اذا مره ناوي سيارة فخمه شوف لكزس 460 حتى لو موديل 2007 سيارة عمليه و صيانتها اسهل

و قطع غيارها ارخص من غيرها و تخدم اكثر ولا منها خوف


up 4 down 1
ابراهيم 78 -124
قبل سنه و 3 شهر



الاخ ابراهيم مشكورا
اختصر علينا
وعطاك العلم


up 0 down 1
امير الاصيل 1685
قبل سنه و 2 شهر



شاكر لكم .
بس اخوي براهيم الطوارق فيه منه يجي مساعدات ويكون عملي وخدوم وقليل الاعطال .
واللي بيشتري موديل ٢٠١٣ بيكون طلباته قليلة خصوصا اللي بيحافظ على الاستخدام وبيحافظ على الصيانة سواء في الوكالة او ورش معتمدة .

واتمنى اللي مجرب الطوارق يرد هنا بحيث نستفيد من خبرته وتجربته للموتر .



up 0 down 0
.. عبدالإله .. 418
قبل سنه و 2 شهر



السلام عليكم 

ياشباب طلعت معي لمبة اشارة يمين ما تشتغل فجاة مع العلم ان الفلشر يشتغل 

اللي مر عليه الشي ذا تكفون فيدوني ماابغى اروح الوكاله بيلزخوني بالسعر 


up 0 down 0
abu mohmammed
قبل 2 شهر و أسبوع



السلام عليكم 

ياشباب طلعت معي لمبة اشارة يمين ما تشتغل فجاة مع العلم ان الفلشر يشتغل 

اللي مر عليه الشي ذا تكفون فيدوني ماابغى اروح الوكاله بيلزخوني بالسعر 


up 0 down 0
abu mohmammed
قبل 2 شهر و أسبوع