أضف سؤال أو موضوع جديد          

من عنده خلفيه عن جيب طوارق

up 7 down 1
سلطان سعد 1014
قبل 8 سنه و 7 شهر



السلام عليكم ورحمة الله وبركاته
ياشباب من عنده خلفيه على جيب طوارق وله جزيل الشكر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الي اعرفه انه قريب لي جيب الاودي وسياره نظام الماني ومريحه وفخمه وراسيه بخط
وفيه ميزه بعض جيوب طوارق امنه كفرات حقتها فيه مضاد للحريق   الي سمعته 

 وعيوب وسلبيات هدروليك غالي قطع غيار غالي   صيانته في مراكز محدده صعبه اي واحد يسوي صيانه له  ويعرف لي 

 هذا الي اعرفه وانشاء الله مايقصرون معك ملاكه    


up 6 down 0
سكودر 14928
قبل 8 سنه و 7 شهر



بصراحة سكودرماشاء الله ما خلى شي اقوله .. لكن عموما الالماني اذا حطيت قطعه انساااها وبيني وبينك كل السيارات الحين قطعها غاالية يعني ما راح تفرق كثير .. لكن هو من ناحية الامان والرساوة والفخاامة ابدااااع وفي النهاية القرار يرجع لك ...


up 4 down 0
صاحب السمو 2 1500
قبل 8 سنه و 7 شهر



صاحب السمو سلمت ياغالي بس انا والله قاري منتدى كويتي  كلهم يمدحون جيب طوارق بس يسبونه في ناحيه وحده قطع غيار غالي 

 يقلون مشكله قطع غيارها غالي يعني  بالعربي الي قروشه زايده يشتريه   

 ولك احلى لأيك 


up 4 down 0
سكودر 14928
قبل 8 سنه و 7 شهر



فااهم عليك يا سكودر .. لكن بالنسبة للقطع لو مثلا فحمات سيارة ياباني ب 250 والالماني 300 او 350 انا اشوف انه مو غالي مقارنة بالسيارة الثانية لان عندك الالماني معمر اكثر والشي الثاني فرق الامان والراحة والعزل في الالماني يستااهل كل ريال يندفع فيه .. انا معك ان فيه بعض القطع في الالماني مبالغ فيها شوي لكن ما راح يركب سيارات زي ذي الا واحد مرتاح ماديا اتمنى تكون وصلت الفكرة ,, ولك احلى لايك علشان اقهر اللي مستلمنا باالديسلايك ....


up 5 down 0
صاحب السمو 2 1500
قبل 8 سنه و 7 شهر



صدقت اخوي صاحب بس  والله تقدر تقول الحين كامري فحماتها 250 اصلي وكاله وصدق  بس اذا وصلت 300 وجوده لي الالماني في معك حق فرق بسيط وعلى حساب قطع جوده واصليه وتخدمك واجد 

 ولك احلى لايك هههههههههه 


up 3 down 0
سكودر 14928
قبل 8 سنه و 7 شهر



يعني الموتر ما فيه مشاكل كهربائيه او حرارة او الهيدروليك يخرب بسرعة


up 1 down 0
سلطان سعد 1014
قبل 8 سنه و 7 شهر



تسلم اخوي سكودر ..وانا متابع لك من فترة وانت ما شاء الله عليك خبير بالسيارات وامورها ومنك نستفيد وفي نفس الوقت تحب تساعد جميع الاعضاء في مشاكلهم المطروحة وهذا لاحظته في اغلب المشاكل اللي يواجهوها الاعضاء تكون انت من ضمن الاعضاء اللي يبادروا بمساعدة العضو صاحب المشكلة ولا يهون الباقين مثل الاخ شاقح وماكسيما وركاب الالماني ولولو اس اس وانيق والعضو الغالي الجنرال عساه يرجع بالسلامة واعتذر ممكن سقط اسمه سهوا ,, وتحياتي للجميع ...


up 3 down 0
صاحب السمو 2 1500
قبل 8 سنه و 7 شهر



شف اخوي سلطان بالنسبة للهيدروليك انصحك تغيره الى مساعدات عادية افضل لك والسبب ان الشوارع هنا ما تساعد ان الهيدروليك يعيش معاك بالاضافة الى التكلفة العالية عند صيانة الهيدروليك اما بالنسبة للحرارة والامور الكهربائية فهي تمااام الا اذا احد لعب فيها يعني مثلا اذا كان الرديتر مو اصلي فلا تزعل اذا سخنت السيارة وذا المراوح مو شغالة فشي طبيعي انها راح ترفع معاك الحرارة وحط في بالك الالماني مركب الملوك وصنع للناس الراقية ولم يصنع للفرفرة بين الورش فاذا كانت السيارة تماام فتوكل على الله ولكن افحص في مراكز خااصة بفحص الالماني ,, والسبب ان التكنولجيا والحساسات في الالماني مختلفة عن بقية السيارات ... تقبل تحياتي ...


up 2 down 0
صاحب السمو 2 1500
قبل 8 سنه و 7 شهر



صاحب السمو سلمك الله واطال بعمرك
انا دوامي يوميا 140 كم تقريبا والطريق لك عليه شوي ابي موتر ارتاح فيه وفي نفس الوقت ابي دفع رباعي واحترت ولاني مغامر في موتر ادفع فيه يمكن عند غيري مبلغ بسيط بس عندي دم قلبي ابيها اقل شي خمس سنوات تخدمني
ودوامي في وسط البر يعني لابد خته بين الطعوس ولو تشوف انا نزلت موضوع عن الاكاديا و جيب مازدا وبرضوا ودي باديج لكن مافيه صف ثالث ولا ابي انزل المعارض الا انا صامل على موتر مابي اتشتت


up 1 down 0
سلطان سعد 1014
قبل 8 سنه و 7 شهر



لبا قلبك يا صاحب السمو  ياعسل منتدى انت تلميذك ياغالي نتعلم منك اوانشاء الله اوصل سلامك لجنرال 2012   وتسلم ياغالي  

 وتقبل مروري عطر 


up 1 down 1
سكودر 14928
قبل 8 سنه و 7 شهر



شوف يا اخوي سلطان السيارة عملية ولكن يعيبها انه مو اي احد يسوي لها صيانة الشي الثاني بالنسبة للهيدروليك فهو مكلف عند الصيانة وخاصة انك تقول انك تمشي في طعوس وكذا .. فانصحك اما تشتريه بدون هيدروليك .. وترا جيب المازدا عملي وحلو فكر فيه او شوف جيب مرسيدس ML او بي ام X5 او X6 ولكن حاول انك تبعد عنالمواصفات اللي يكون فيها الهيدروليك ...


up 2 down 0
صاحب السمو 2 1500
قبل 8 سنه و 7 شهر



صاحب السمو والله كلامك كله ممتاز بس المرسيدس طايرين بسعاره شوي والبي ام مالله عطاني به وسعره اغلا من الطوارق بكثير هم الطوارق مقارب لجيب المازده وجزاك الله الف خير يا اخوي ان شاء الله انه بيصير على المازدا


up 1 down 0
سلطان سعد 1014
قبل 8 سنه و 7 شهر



طوارق مع أخوي موديل2008 سبورت أخذه سنة نزل بمبلغ300000 أقساط كل شهر 3000
بالنسبه للراحة ماشاء الله تبارك الله   كان عليه ضمان 5سنوات وقدر الله وصار به حريق تكفلت 
الوكالة بكل شي تضرر حتى الجنوط غيروها وماجاها شي بفواتيربمبلغ50000 يالله دفع رسوم 
1990ريال والباقي عليهم مشاويره أسبوعيآ عالطول الرياض جدة الرياض جدة وأخوي مايرحمه
يكرفه كرف قوي من ناحية المطبات والشد    الصيانات بالوكالة مادري كان يدفع ولا لا
في تاريخ15/10/1433 المكينة عطت عمرها
والمكينة سعرها بالوكالة63000 يعني بعد الضمان الله يعين صاحبه عليه
حبيت أبين سيرته مع أخوي           وبالتوفيق بالموتر الطيب


up 4 down 0
صديق اليتامى 536
قبل 8 سنه و 7 شهر



يعطيك الف الف عافية صديق اليتامى وجزاك الله الف خير ماقصرة
طيب وش سبب عمر المكينه هل ممشا او اهمال الماء او ارتفعت الحرارة ولا اهتم
في خمس سنوات فقط والله يخوف


up 2 down 0
سلطان سعد 1014
قبل 8 سنه و 7 شهر



آسف عالتأخير لأني ما افتح  الموقع با نتظام
والله سبب المكينة إهمال أخوي لأن زي ماقلت لك بعد ماخلص الضمان معد التزم بشي
لأن قبل كان بمواعيد محددة من الشركة   فالسبب  الأول والأخير  إهمال وإنشغال بحكم العمل




up 2 down 0
صديق اليتامى 536
قبل 8 سنه و 7 شهر



جزاك الله خير الاهمال انا من اصدقاء المهملين قليلا من النوع الي يسج وينسا
كفيت ووفيت جزيتا خيرا وزوجتا بكرا


up 3 down 0
سلطان سعد 1014
قبل 8 سنه و 7 شهر



آمين وياك أخوي ماسويت غير الواجب   


up 2 down 0
صديق اليتامى 536
قبل 8 سنه و 7 شهر



إذا بتريح راسك وراعي بر ومن راعي صيانة لا تعدى التويوتا السيارات الالمانية تبي واحد محافظ وماهو راعي كرف وراعي صيانة خصوصا مع أجوائنا الحارة


up 0 down 0
عادل2008
قبل 6 سنه و 10 شهر