هذي نصيحتي بسيارتي واعادة تجديدها باسعار رخيصه ومذهله

39 10

لايمكنك التصويت حتى الحصول على 20 نقطة على الأقل
إضغط هنا للإخفاء

فـهـــــد الفهد 449
قبل 8 سنه و 9 شهر

كل سنه والجميع بالف خير وصحه وسعادة وشهر مبارك على الجميع 

( حب لاخيك ما تحبه لانفسك وانا احبكم وراح انصحكم نصيحة من ذهب ) 

قبل 6 شهور اشتريت سياره من نوع فولكس واجن جولف موديل 2007 وكانت مدمورة ( اكسسوارات + قطع غيار + بدي ) 

قررت مع تحدي من نفسي اشتريها واعيد ترميمها وكل زملائي كانو رافضين هذي الفكرة ولكن هذا عشق 
لسياره حبيتها من الطفوله 

فحصت المكينه والجير وطلع تمام وتغاضيت عن الباقي وشغلت مخي وبدا التحدي 

اولا دخلتها ورشه احد الزملاء العزيزين على قلبي ونفضها لي كتغير بواجي وفلاتر وزيوت واقشمه وخلافه 

المرحله الثانيه والاهم 
كان المسجل محروق ورحت سئلت عن نفس المسجل بالتشليح طلع فوق 600 ريال ومغبر وحالته حاله 
والجديد فوق 1500 ريال 

قررت بعدها اشتري كل قطعه احتاجها من مواقع النت المختصه بالبيع والشراء مثل ( امزون + إيباي + علي اكسبريس 
وكار بارتس ) 

اول شي اخترت المسجل نفس الوكاله وغامرت واشتريته بقيمه 800 ريال ووصل خلال 15 يوم وتوفقت بالتجربه 
وركبته بالسياره وطلع اجمل من الوكاله وجديد وفيه كل المواصفات الى ابيها 

التجربه الثانيه اشتريت مرايات وتوفقت فيها وكان سعرها نصف الوكاله بسعر 97 ريال الاثنين والوكاله هنا سعرها كان 380 ريال 

التجربه الثالثه اشتريت دواسات رياضيه بسعر 60 ريال وهنا فوق 200 ريال 

التجربه الرابعه اشتريت ازرار الشبابيك وسعرها خيالي ب 150 ريال وهنا ما تلاقيها الا طلبيه 

التجربه الرابعه اشتريت كشافات بسعر 150 ريال وهنا تلاقيها ب 500 ريال 

التجربه الخامسه اشتريت انوار خلفيه led بسعر 70 ريال وهنا تلاقيها ب 150 ريال 

وابتديت اشتري اقمشه وقطع غيار الداخليه للمكينه وكلها اسعارها منافسه ورخيصه 

الاسعار ممتازه لمن تشتري من خارج المملكه ولكن لازم يكون عندك صبر لان القطع توصل 
من 15 يوم الى 25 يوم ولكن انت اشتري وانسى والوقت يجري وتلاقي القطع وصلت بالبريد وتجيك رساله 
ان قطعك وصلت وروح استلمها 

انا على قد ما اشتريت بالفيزا والماستر كارد ودفعت محد ضحك علي او سرقني لان معروف الاجانب 
اوفياء بكلمتهم ولو ما عجبتك البضاعه تقدر تسترجعها وتسترد فلوسك 

والان يا اخواني بعد ما ركبت كل القطع الى اشتريتها لسيارتي 
قبل اسبوع دخلتها التلميع ورجعتها الوكاله وشفت نظرات زملائي كيف مندهشين ويقولو معقوله 

هالسياره الى اشتريتها طلع هذا شكلها 

الواحد يا اخوان يكون عنده تحدي ويشغل مخه وما يخلي الوكالات هنا الحراميه يسرقونا بضعف المبالغ 

الان عالم النت صار بحر وكثر مواقع البيع والشراء سواء بامريكا او الصين او بريطانيا او اليابان ما يمنع 

يكون عندك لغه انجليزي وتتحدث مع التاجر وتطلب الى تبيه وتدفع بالفيزا وطلبك يوصل وانت الربحان 

هذي نصيحتي لكم يا اخوان اي قطعه اشتروها من الخارج ودلعو سيارتكم 

واخيرا يا اخوان لمن اشتريت سيارتي وحسبت تكلفه الترميم والصيانه والقطع هنا بالوكاله طلع المبلغ يفوق 8000 الف ريال 

ولكن لمن اشتريت القطع الى ابيها من الخارج ما كلفني الا 3000 ريال 

عاد هذي نصيحتي وسامحوني طولت عليكم ولكم الاختيار والقرار 

تقبلو تحياتي 

إبلاغ

الردود