أضف سؤال أو موضوع جديد          

طمع الوكالات في استمرار

up 11 down 2
abofarah 1080
قبل 7 سنه و شهر



قبل شهرين اشترينا سيارة فولكس واجن كشف موديل 2010 وطلع لي منبه ضرورة تغيير الزيت فكلمت الوكالة وخذت موعد ورحت لهم وتفاجأت ان الموظف يطلب الموافقة على مبلغ 1400 ريال ( الموضوع فرع البحرين ) فسألته ليش اخوي قال اجرة تغيير الزيت والفلتر و زيادة سائل التبريد وتشحيم الابواب وبس . 

المهم قلت له اخوي مبلغ 1400 على اللي ذكرت يعتبر كثير رد الموظف ان نوعية الزيت ودقة العمل و و قام يتفلسف واخوكم بصراحة ماعجبه الوضع حتى انهم دخلوا السيارة داخل على اساس اني وافقت وفجأة قلت للموظف اسمح لي مابي اسوي تغيير الزيت عندكم وقام وطلع السيارة وقال براحتك ورحت مركز متخصص في الحي وغيرت الزيت والفلتر وشيك على السيارة بالكامل ماكلفت 200 ريال . 

الخلاصة / اللي بتسويه الوكالة من اعمال بسيطة ومكلفة ممكن اسويها برا الوكالة وبتكلفة اقل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


صحيح  الوكالات سعرهم دبل 7 مرات ،، 
 
افضل شي تعمل صيانه خارج الوكاله معتمده ، وتاخذ منهم فواتير الصيانه  علشان لو يحدث بالسياره اي عطل يتحمله الوكاله لان محافظ ع الصيانه  
بمركز معتمد طبعا خارج الوكاله ، 


up 2 down 1
خالد الاسكندر -40
قبل 7 سنه و شهر



المبلغ غالي مرررررره

وبيني وبينك السيارات الالمانيه صيانتها حساسه شوي

الا بسئلك بحكم انك مستخدم فولكس واجن
وش سيارتك ؟
وكيف السياره قطع غيار واستخدام !


up 2 down 0
شويخ من أرض مكناس 2823
قبل 7 سنه و شهر



كلها زيوت المانية مستخدمة بكل المواتر الالمانية بس الوكيل نصاب 


up 0 down 0
benz lover -74
قبل 7 سنه و شهر



حياكم شباب ، 

شيوخ / السيارة eos  اكتب اسمها في النت وبتعرفها نادرة شوي وهذي ثالث تجربة لي مع فولكس واجن سيارات ذات جودة خيال وقوة فرامل ماشاء الله تبارك الله ممتازة 
انا بطبعي احب السيارات ذات الامان العالي ومايهمني نوعا ما ان كانت صيانة الكوري في السنة تكلف الف ريال والالماني تكلف ثلاثة الاف المهم السلامة ياخوك (وجهة نظر) 

القطع ماعاد في شي رخيص ياصاحبي كلن رفع الاسعار حتى الكوري قطع غيار صار اغلى من الامريكي والامثلة موجودة . 




up 4 down 2
abofarah 1080
قبل 7 سنه و شهر



هو في احد باقي يسوي الصيانات بالوكاله خخخخخخخخ دام الضمان يشمل الموتر بدون شرط عمل الصيانات عند الوكاله والله مافكر اروح للوكاله الا في حال وجود عيب مصنعي الله لا يجيبه فقط اما غيره الصيانات الباقيه كلها انا اسويها 


up 2 down 0
ابو راكان 2002 280
قبل 7 سنه و شهر



معروف الوكالات جشع لا متناهي 
أنا أول صيانة فقط في الوكالة بحكم أنها مجانية 
ومن بعدها كلها في بترومين سعر مناسب ومعتمد عند الوكالات يعني مالهم كلمة 
واللي خلاني أروح بترومين إني يوم وديت السيارة أول صيانة وأستلمتها 
تفاجأت أنهم ملبسين المقاعد والدعاسات أكياس عليها شعار بترومين !!!!! , الله المستعان 

شكراً لك على توثيق تجربتك 


up 1 down 0
starting 1043
قبل 7 سنه و شهر



مو كل الوكالات الان هونداي والفورد صيانتهم معقولة ورخيصه 


up 2 down 1
al_orainy 56
قبل 7 سنه و شهر