أضف سؤال أو موضوع جديد          

صار الصح يعتبرونه خطا

up 16 down 3
دحيم٧٧٧ 2204
قبل 6 سنه و 4 شهر



السلام عليكم ورحمة الله وبركاته : 

وش اخباركم ياشباب وش اخبار الاختبارات عفوا اقصد البراشيم هههههههههه

المهم 
في عاده بي وبك وفي اغلب الناس  يعتبرونك اذا مشيت على الصح يظحكون عليك 
ويستهترون بكلامك 

المهم ابقولكم سالفه حصلت لي قبل سنتين 

كنت طالع با السياره وجلست افكر قلت لييه ما اربط الحزام مع انه مو متعب لدرجة انك ماتربطه 
حتى عند الانقالب با السياره مايمسك الا الله ثما الحزام 

المهم بديت اربطه يوم يوميين ولاحظت اذا وقفت باشاره اناظر الي حوالي من شباب 
كلهم يناظرونني نظرات ضحك واستهتار 
طبعا ما اهتميت لامرهم ابد 
وكنت رايح عن الشله وانا جاي اسفط ابوقف وشوف الضحك ولاستهتار الي ماله داعي 

المهم انا متماسك وواثق من رايي اني ماراح اترك الحزام 

المهم بعد اسبوع اطلق علي لقب ابو حزام ههههههههههههههه 
شف الاستهتار وين وصل على شانك مشيت طريق الصح واذا راحو معي مشوار

ومشيت ١٢٠ طبعا اسرع يالله اسرع وش فيك مهدي لا وبعد رابط الحزام 

ياخي ياليت نبطل ها التفاهات وننظر للواقع 

الحزام تدرون وش الفائده منه 
وقت الانقالب يثبتك با السياره هاذي الفائده مجرد ربط الحزام وتوكل على الله وامش 

وهل تروون انه عييب ؟ 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل ممنوع مرغوووووووووووووووب سبحان الله ايش السبب مادري ... وتستاهل لايك يا أبو حزام ههههه

ترا مو تريقة ؟؟ بس أضحكك شوي هههه .


up 5 down 1
مستر بن . 10375
قبل 6 سنه و 4 شهر



مره ركبت مع واحد وربطت الحزام وقال انزل < هههههههه قلت يابو الحزام امان بعد الله

قال انزل من سيارتي اذا تبي تربطه واذا ماتبي اركب حياك ^_^


شفت شلون ههههههههه


up 5 down 1
aboamani 1147
قبل 6 سنه و 4 شهر



لاتوسد جبهته في الطاره ولحيه اخذ يمين عرف ان الله حق والسبب بعد الله في سلامته واولهم انا الله يكفينا شر الحوادث



up 6 down 0
ابوكرم 176
قبل 6 سنه و 4 شهر



والله انك صادق.... وانا للاسف من النوعيات اللي ماتحط الجزام الا لامريت بتفتيش وبعدين افكه....فعلا والله شي غريب


up 6 down 0
musclefreak 355
قبل 6 سنه و 4 شهر



موضوعك حلو ياخي الناس ماتخليك بحالك يحبون يضحكون ويضحكون الناس عليك هذا اللي خلانا من الدول المتأخره


up 4 down 0
talal alshahrani 45
قبل 6 سنه و 4 شهر



بعض الحوادث الحزام قاتل

خصوصا حوادث الانقلاب بعض الاحيان يطلع من السياره ويعيش بامر الله لكن احتماليه وفاته لو جلس داخل السياره اثناء الانقلاب ورابط الحزام لانطعاج السقف وغيره على الجسم والراس


up 2 down 0
abahal 1384
قبل 6 سنه و 4 شهر



طريقة عشان ما يضحكون اللي بالإشارة: حط الحزام اللي عند الكتف تحت إبطك ولا احد داري عنك إلا إذا ركب معك....


up 1 down 0
acura 3757
قبل 6 سنه و 4 شهر



يشيخ ولله اني مثلك فكرت فيها يوم قلت ليه ما اربطه

والله مثلك يومين بالضبط وماصرت اروح مكان الا واربطه

وصدقت تشوف الناس يطالعون فيك يقولون ذا سبك ههههه ولاكمخه تفكيرهم معدووم

بس لو طلعوا نظام قالوا لحد يربط الحزام بتشوف نص الشعب بيبطونه

اكثرهم ماخذينها ترى لعانه

وتحياتي للجميع


up 4 down 0
الفدرالي f7 309
قبل 6 سنه و 4 شهر



"^ّ بيربطونه ^"


up 1 down 0
الفدرالي f7 309
قبل 6 سنه و 4 شهر



انا بالعكس احب اسوي الشيء الصحيح اللي الناس يستهزءون فيه واشياء كثيره مثل الحزام يعني 

فانا ما اربطه الا اذا شفت جنبي شباب عشان استهبل عليهم هههههههههههه ابي اشوف وش بيقولون والا اذا ركبو معي اخوياي اصرقع بهم اهدي وامشي بالسرعه المحدده 

بس سبحان الله لين جيت لحالي انهبلت اسرع واخوطف بين السيارات
لكن الله يهدينا يارب ويرحم حالنا قولوا امين 


up 3 down 0
camry grandi 99 7276
قبل 6 سنه و 4 شهر



سحان الله ولد عمي صارله حادث وطشت السياره وعاش لو كان رابط الحزام يمكن مات لكن خذا بالاسباب والله يكفينا شر الحوادث


up 1 down 0
ق ق س 342
قبل 6 سنه و 4 شهر



والله انك صح ماعليك من بعض الناس اهم شي انك تلتزم بالنظمة وابعد عن المشاكل


up 1 down 0
رايق السيارات 592
قبل 6 سنه و 4 شهر



انا اربط من زمان ومادري ماشوف احد يضحك يمكن مالاحظ او المحيط مادري... بس عموما مايهني الناس المتخلفة ليش اآثر منهم ليش ماأؤثر عليهم


up 1 down 0
talal abdullah 5415
قبل 6 سنه و 4 شهر



وترى ثقافة مجتمع ,,مو حزام وبس معظم الاشياء الاستهلاكية والالعاب ووولها معايير وضوابط اتحدى احد يقرا التعليمات والنصائح حتى معايير اختيار السيارة واي شي اخر يمكن تلقى الامان والسلامة آخر البنود اذا ماكانت مو من ضمنها


up 2 down 0
talal abdullah 5415
قبل 6 سنه و 4 شهر



والله المشكلة أغلب الشباب يمشون على كلام الناس وقراراتهم يبي يسوي بس مو قادر لانه الناس
قالوا له مو كويس ( أكبروا يا شباب خل كلام الناس تحت رجولك وثق في نفسك ) 


up 1 down 0
abufhd40 338
قبل 6 سنه و 4 شهر



لو عندي جيش جيش
اسلمك القياده
احب الرجل ذو الشحصيه القويه والحازم على الحق


up 3 down 0
البطش 3585
قبل 6 سنه و 4 شهر



والله انك كفو
ماعليك من احد
انا ما احرك السيارة الا وانا رابط الحزام وفوق هذا امشي داخل المدينة من 60 إلى 80

واللي يضحك خله,جعله يضحك لين تتقلع سنونة


up 3 down 0
exelero 67
قبل 6 سنه و 4 شهر



هههههههههههه... لا ابد انت صح والله صح ... :( اسفههم ولا يهمونك انقليز ربعنا ترا


up 3 down 0
oo8m8oo 202
قبل 6 سنه و 4 شهر



اقسم بالله عندنا استهتار بكل شي وطقطقه شعب فاضي 

والله لو الله ثمن هلحزام ما يحميك 

انا الصراحه تعودت عليه من فترة بسيطه مقاعد السيارة جلد ومع اللفات القويه ما يمسكني بلمقعدة غيره 


up 2 down 0
أستشاري الحب 6468
قبل 6 سنه و 4 شهر